25 yoshli AQShlik yigit ryukzakdagi sun‘iy yurak bilan bir yildan ortiq yashashiga to‘g‘ri keldi

Amerikalik bemor Sten Larkin 17 oy davomida yuraksiz yashadi, nihoyat transplantatsiya uchun unga navbat yetib keldi, deb yozadi GeekTimes.

25 yoshli Sten va uning akasiga bir necha yil avval irsiy kardiomiopatiya tashxisini qo‘yishgan edi. U miokard xastaligi bo‘lib, unda yurak muskuli tuzilish va funksional jihatdan o‘zgargan holatda bo‘ladi. Bunda yurak faoliyatidagi yetishmovchilik asta-sekinlik bilan, biroq muqarrar ravishda rivojlanib boraveradi, shuning uchun bemorning yashab ketish ehtimoli katta emas. Yagona umid — yurak transplantatsiyasidan.

2014-yil dekabrida Stenga Michigan shtatidagi kasalxonalardan birida Yangi yil arafasida 6,5 kilogrammlik sun’iy yurak o‘rnatilgan edi.

Qurilma quti shaklida bo‘lib, oddiy maktab ryukzagiga joylashadi. Maxsus quvurchalar yordamida u yigitning ichki organlariga ulanadi, bemor uni taqib olib, kundalik ishlari bilan bemalol shug‘ullanib yurishi mumkin.

2016-yil 9-may kuni Sten Larkin, va nihoyat, transplantatsiya bo‘yicha operatsiyani boshidan o‘tkazib, haqiqiy tirik yurakka ega bo‘ldi.