Aqto‘bedagi teraktlarga tayyorgarlik chog‘ida 20 nafar shaxs unda ishtirok etishdan bosh tortgan. Bu haqda Qozog‘iston milliy xavfsizlik qo‘mitasi rahbari Vladimir Jumakanov ma’lum qildi, deya xabar beradi “Gazeta.ru”.
“Hozirgacha 13 kishi yo‘q qilindi, 14 kishi jarohat olgan. Shuningdek, jinoyatga tayyorgarlik bosqichida 20 nafar shaxs unda ishtirok etishdan bosh tortgan bo‘lib, ular aniqlandi va so‘roq qilindi. Ayni paytda ma’lumotlarga ko‘ra Aktyubinsk viloyati hududida bo‘lib turgan olti kishi qidirilmoqda”, — deya ta’kidlagan Jumakanov.
Eslatib o‘tamiz, oldinroq politsiya Aqto‘bedagi hujumlarda ishtirok etganlikda gumonlanib, qidiruvda bo‘lgan yetti nafar shaxsdan birini qo‘lga olgani haqida xabar berilgandi.
Izoh (0)