AQSh adliya vazirligi investorlardan, go‘yoki, Uber, Airbnb va boshqa yirik kompaniyalar aksiyalarini sotib olish uchun 10 million dollar jalb qilgan, biroq ushbu mablag‘larni tungi klublar, kazino, restoranlar va boshqa ko‘ngilxushliklar uchun sarf qilib yuborgan ikki nafar kaliforniyalikni firibgarlikda ayblamoqda, deb yozadi “Vc.ru”.
Jasvant Jill va Xavyer Karlos Rios, tergov versiyasiga ko‘ra, o‘zlarini JSG Capital Investments jamg‘armasi top-menejerlari deb tanishtirgan va investorlarga IPO (aksiyalarni bozorga chiqarish) oldidan yirik kompaniyalar aksiyalariga sarmoya kiritishni taklif qilgan.
O‘z mijozlariga firibgarlar yiliga 60 foizgacha hajmda foyda ko‘rishni kafolatlagan.
Vazirlik Jill va Rios hech qachon aksiyalar sotib olish bilan shug‘ullanmaganini aniqladi. Buning o‘rniga, ular yangi investorlarning mablag‘larini avvalgi mijozlarga to‘lovni amalga oshirishda ishlatgan. O‘zlashtirilgan 5,5 million dollarni firibgarlar ko‘ngilxushliklarga sarflab yuborgan.
Izoh (0)