AQSh sobiq prezidenti Bill Klintonning ukasi, aktyor va musiqachi Rojer Klinton shirakayf holatda mashina haydagani uchun hibsga olindi, deb yozadi “TASS”. Tahlilchilar fikricha, ushbu voqea Hillari Klintonning AQSh prezidentligiga Demokratlar partiyasidan rasmiy nomzod bo‘lish huquqi uchun “kurashini biroz qiyinlashtiradi”.
Er-xotin Klintonlarning 59 yoshli yaqin qarindoshi Kaliforniya shtatining Redondo-Bich shahrida 5-iyun, yakshanba kuni kechki payt, politsiyaga uning “qoidabuzarlik bilan mashina haydayotgani”ga guvoh bo‘lganlar xabar bergach, qo‘lga olindi.
Unga avtomobilni mast holda boshqarganlik yuzasidan ayblovlar e’lon qilindi. Keyinroq u 15 ming dollar garov puli evaziga qo‘yib yuborildi, ammo 6-iyun, dushanba kuni (mahalliy vaqt bilan) u sud qarshisida namoyon bo‘lishi kerak.
Izoh (0)