Amerika Kubogi—2016. Argentina musobaqani amaldagi chempionni mag‘lub etish bilan boshladi
AQShda davom etayotgan futbol bo‘yicha Kopa Amerika—2016 musobaqasida 1-tur bellashuvlari to‘liq yakunlandi.
Turnirning “D” guruhida kurash olib borayotgan Argentina va Chili terma jamoalari o‘rtasidagi bellashuvda Xerardo Martino boshchiligidagi argentinalik futbolchilar 2:1 hisobida zafar quchdi. Qayd etish kerak, bu ikki terma jamoasi 2015-yil Chilida bo‘lib o‘tgan Kopa Amerika—2015 da finalga qadar yetib borgandi.
Uchrashuvda hisob Anhel Di Mariya tomonidan ochildi. Oradan 9 daqiqa o‘tib “Sevilya” a’zosi Ever Banega hisobni 2:0 ko‘rinishiga olib keldi. Va faqatgina 90-daqiqada chililik futbolchilar hisobni qisqartirishga muvaffaq bo‘ldi.
Guruhdagi boshqa bir juftlikda Panama Boliviya ustidan 2:1 hisobida g‘alaba qozondi. Ma’lumot uchun, 1-turda KONKAKAF mintaqasi termalaridan faqatgina Panama raqibini mag‘lub eta oldi. Unga qadar AQSh, Kosta-Rika, Gaiti, Yamayka, Meksika kabi mamlakat bosh jamoalari g‘olib chiqa olmagandi.
8-iyun tonggida “A” guruhi ishtirokchilari 2-turni boshlab beradi. Unda AQSh — Kosta-Rika, Kolumbiya — Paragvay o‘yinlari bor.
Amerika Kubogi—2016 “D” guruhi. 1-tur 7-iyun, dushanba
