O‘zbekistonda 2016-yil boshida taqdim etilgan Sony Xperia M4 Aqua (Dual) smartfoni sotila boshladi, deb yozadi “Mobinfo.uz”.
Telefon IP68 standarti bo‘yicha suvdan himoyalangan korpusga ega, bu 1,5 metrgacha chuqurlikdagi chuchuk suvda 30 daqiqa davomida qolib ketgan taqdirda ham, qurilmaga ziyon yetmasligini kafolatlaydi.
Smartfon 5,2 dyuymli IPS-displey, sakkiz yadroli Snapdragon 615 protsessori, 13 megapikselli asosiy va 5 megapikselli old kamera, 2 Gb tezkor va 16 Gb ichki xotira, 2400 mA/soat sig‘imli akkumulyatorga ega. Telefon Android 5.0 Lollipop operatsion tizimida ishlaydi.
Toshkentdagi “Fleshka” savdo markazida Xperia M4 Aqua (oq rangli korpusda) 1,2 million so‘mdan sotilmoqda.
Ushbu qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.