AQSh rahbarligidagi xalqaro koalitsiya samolyotlari, shuningdek, quruqlikdagi qo‘shinlar 4-iyun, shanba kuni IShID jangarilarining Suriya va Iroqdagi nuqtalariga 23 marta zarba berdi. Bu haqda “Interfaks” koalitsiya qo‘mondonligiga tayanib, xabar bermoqda.
Suriya hududida IShIDga 13 ta zarba berildi, bunda bombardimonchilar, qiruvchilar va uchuvchisiz uchar qurilmalardan foydalanildi.
Iroqqa esa ham aviatsiya, ham artilleriya tizimlari bilan zarba berildi, shuningdek, IShID marralariga hujumlar quruqlikdagi qo‘shinlar yordamida amalga oshirildi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.