O‘zbekistonlik talaba qiz “Dunyo durdonasi—2016” unvonini qo‘lga kiritdi

Rossiyaning Qozon shahrida “Dunyo durdonasi—2016” go‘zallik va iqtidorlar tanlovi bo‘lib o‘tdi. “Anons.uz” xabariga ko‘ra, tanlov finalida jahonning 30 dan ortiq mamlakatlaridan vakillar qatnashdi.

Tanlov yakuniga ko‘ra, Qozon federal universitetida ta’lim olayotgan o‘zbekistonlik Sabina Musayeva “Dunyo durdonasi—2016” unvoni sohibasiga aylandi.

Undan keyingi o‘rinlarni Qozon texnika universiteti talabasi, rossiyalik Angelina Gubanova va Qozon federal universitetida o‘qiyotgan vetnamlik Do Nyung egalladi.

Xabar berishlaricha, O‘zbekiston vakilasi, “Dunyo durdonasi” unvonini qo‘lga kiritishdan tashqari, “Ilhomlantiruvchi xonim” yo‘nalishida ham g‘oliblikni qo‘lga kiritgan.