O‘tgan hafta mobaynida O‘zbekiston hududida 207 ta yong‘in qayd etilgan. Turli sabablarga ko‘ra sodir bo‘lgan yong‘inlarda sakkiz nafar fuqaro tan jarohati olgan va uch nafar fuqaro halok bo‘lgan. Bu haqda O‘zbekiston Respublikasi IIV Yong‘in Xavfsizligi Bosh boshqarmasi matbuot xizmati xabar bermoqda.
Ushbu yong‘inlarda 973 million so‘mdan ortiq qurilish konstruksiyalari va 988 million so‘mga yaqin moddiy boyliklar yong‘indan saqlab qolingan.
Toshkent viloyati, Yuqorichirchiq tumanida yashovchi fuqaro E.Abdullayevning uyida elektr simlarning qisqa tutashuvi natijasida yong‘in sodir bo‘lib, uyning 90 kvadrat metr maydonda tom qismi yonib zararlangan.
Farg‘ona viloyati, Oltiariq tumanida yashovchi fuqaro M.Raximovning uyida elektr simlarning qisqa tutashuvi natijasida yong‘in sodir bo‘lib, uyning 80 kvadrat metr maydonda tomi, shift qismi va uy jihozlari yonib zararlangan.
Xorazm viloyati, Xiva tumanida yashovchi fuqaro M.Aliyevning molxonasida yosh bolalarning sho‘xligi (olov bilan o‘ynashi) oqibatida yong‘in sodir bo‘lib, molxonaning 60 kvadrat metr maydonda hamda qo‘shnisining molxonasini 20 kvadrat metr maydonda tom qismi yonib zararlangan. Yong‘in oqibatida uy egasining nabirasi kuyish tan jarohati olib shifoxonaga yotqizilgan.
Izoh (0)