Xitoyda ko‘rgazma ochilganidan bir soat o‘tib, yosh bola 15 ming dollarlik Lego haykalini sindirdi, deya xabar bermoqda “Gazeta.ru”. Voqea Ninbo shahrida yuz berdi.
Lego Expo ko‘rgazmasidagi eksponatlar orasida “Hayvonlar shahri” (Zootopia) multfilmi qahramoni — Nik ismli tulkining ulkan haykali bor edi. Muallif uni yaratish uchun uch kun vaqt sarflagan. Ammo uni ko‘rgazmaga tashrif buyurgan bolakay sindirib qo‘ygan.
O‘yinchoq tulkining narxi 100 ming yuanga baholamoqda (15,2 ming dollar). Bolakayning ota-onasi haykal muallifiga tovon puli taklif qildi, biroq u bundan bosh tortdi. U bola haykalni sindirish niyatida bo‘lmaganiga ishonchi komil.
Izoh (0)