AQShda ham Shimoliy Koreya raketasi muvaffaqiyatsiz uchirilgani qayd etildi

AQSh Qurolli kuchlari strategik qo‘mondonligi ham KXDR tomonidan o‘rta masofaga uchiriladigan ballistik raketaning muvaffaqiyatsiz sinovini qayd etdi. Bu haqda qo‘mondonlik vakili Martin O’Donnel ma’lum qildi, deya xabar beradi “TASS”.

“AQSh strategik qo‘mondonligi 30-may kuni Vonsan shahrida Shimoliy Koreyaning o‘rta masofadagi ballistik raketasi muvaffaqiyatsiz uchirilganini qayd etdi. U Shimoliy Amerika uchun hech qanday xavf tug‘dirmadi. Biz KXDR harakatlarini diqqat bilan kuzatishda davom etmoqdamiz”, — deya ta’kidlagan O’Donnel.

Eslatib o‘tamiz, Yaponiya tashqi ishlar vaziri Fumio Kisida Shimoliy Koreyaning raketa uchirishga navbatdagi urinishini “provokatsiya” deb atadi.