Rossiyada ko‘p qavatli uy podyezdi quladi

Rossiyaning Kemerovo viloyatidagi Mejdurechensk shahrida ko‘p qavatli bino podyezdi qulashi oqibatida bir kishi halok bo‘ldi, ikki kishi reanimatsiyaga tushdi. Bu haqda “RBK” xabar bermoqda.

Kemerovo viloyatidagi qator ommaviy axborot kanallari voqea joyida olingan suratlarni chop etdi. Ularda devor va bostirmalar beshinchi qavatdan birinchi qavatga qulagani aks etgan.

Voqea 31-may kuni ertalabki soatlarda sodir bo‘ldi. Dastlabki taxminlarga ko‘ra, qulashga qurilish chog‘ida xavfsizlik texnikasiga rioya etilmagani sabab bo‘lishi mumkin. Voqea joyida qutqaruvchilar va tibbiyot xodimlari ishlamoqda.