Berkli universitetining bir guruh olimlari fikrni o‘qib, uni raqamli tovushli axborotga aylantirish imkonini beruvchi texnologiyani ishlab chiqdi, deb yozadi “Hi-tech.mail.ru”. Bu nutqida nuqsonlari bo‘lgan bemorlarga boshqa odamlar bilan muloqot qilishda yordam beradi.
Olimlar bir necha yillar davomida so‘zlarni talaffuz qilish chog‘ida odamlardagi miya faolligini tadqiq qildi. Natijada ular fikrni o‘qishga va ularni so‘z sifatida aks ettirishga muvaffaq bo‘ldi.
Tadqiqotchilar nutq faoliyati buzilgan kishilar uchun maxsus qurilma ishlab chiqishni rejalashtirmoqda. U miya signallarini “o‘qiydi”, ularni so‘zga aylantiradi va dinamika yordamida aytib beradi. Bu bemorlarga boshqa odamlar bilan muloqotda bo‘lish imkonini beradi.
Ayni paytda texnologiya ishlab chiqish bosqichida turibdi. Ammo olimlar odamning fikrini so‘z qilib aytib beradigan to‘la-to‘kis kompyuter modelini yaratishga erishganini ma’lum qildi.
Izoh (0)