Rossiyaning Boshqirdiston Respublikasida sud nozirlari umumiy miqdorda 160 ming rublga teng 149 jarima to‘lanmagani bois Porsche Cayenne avtomobiliga band soldi. Bu haqda “TASS” xabar bermoqda.
Aytilishicha, avtomobil egasi bo‘lgan biznesmen jarimalar to‘lashi lozimligidan o‘tgan yili ogohlantirilgan bo‘lishiga qaramay, shu paytgacha bunga e’tibor bermagan. Shu bois nozirlar unga tegishli mashinalardan biri qayerda turganini aniqlab, uni xatga olgan.
Jarimalardan tashqari, biznesmen banklar oldida 700 ming rubl qarzga ham ega. Agarda u o‘n kun davomida barcha qarzlar va jarimalarni to‘lamasa, avtomobil sotib yuboriladi.
Porsche Cayenne rusumli avtomobil Rossiyada 4,9 million rubldan (74 ming dollar) 8,1 million rublgacha (122 ming dollar) baholanadi.
Izoh (0)