Yaponiya tashqi ishlar vaziri Fumio Kisida Shimoliy Koreyaning 31-may, seshanba kuni o‘rtacha radiusda harakatlanadigan raketani uchirishga urinishini provokatsiya deb atadi. Bu haqda “Interfaks” xabar beradi.
“Navbatdagi raketani uchirish dunyo hamjamiyati, jumladan Yaponiyaga qarshi provokatsiya hisoblanadi”, — dedi Yaponiya tashqi ishlar vaziri.
Janubiy Koreya OAVlarida ma’lum qilinishicha, raketa Kanvondo provinsiyasidan 31-may, seshanba kuni, soat 05:20 da uchirilgan, biroq urinish muvaffaqiyatsiz yakunlangan.
Izoh (0)