Yangi Zelandiya sohillarida 5,7 magnitudali zilzila yuz berdi

Yangi Zelandiya sohillarida 5,7 magnitudali zilzila yuz berdi. Bu haqda, Yevropa—O‘rtayer dengizi seysmologik markazi ma’lumotiga tayanib, “TASS” xabar bermoqda.

Markazning ma’lum qilishicha, yer silkinishi epimarkazi Fangarei shahridan 933 kilometr shimoli-sharqda, o‘chog‘i esa 30 kilometr chuqurlikda joylashdi.

Qurbonlar va vayronagarchiliklar haqida xabarlar kelib tushmagan. Sunami xavfi e’lon qilinmagan.

Yangi Zelandiya sohillarida vaqti-vaqti bilan seysmik faollik kuzatiladi.