Polsha janubida yashin urishi oqibatida bir nafar sayyoh halok bo‘ldi, uch nafari yaralandi

Polsha janubida yashin urishi oqibatida bir kishi halok bo‘ldi, yana uch kishi jarohat oldi. Bu haqda, mahalliy nashr ma’lumotiga tayanib, “TASS” xabar berdi.

Momaqaldiroq boshlangan paytda G‘arbiy Beskid cho‘qqisidan pastga tushayotgan 40 yoshli sayyoh tabiiy ofat qurboniga aylandi. Voqea guvohlari qutqaruvchilarni chaqirdi, biroq ular erkakning hayotini saqlab qola olmadi.

Ikkinchi hodisa Peninda, Sokolitsa cho‘qqisi yaqinida yuz berdi. U yerda uch kishini yashin urdi. Ulardan hech qaysi halok bo‘lmadi, biroq jabrlanganlardan biri jiddiy kuyish jarohatini oldi.

Polshada oxirgi kunlarda qayd etilgan issiq havo ko‘plab mashhur tog‘ so‘qmoqlarida sayyohlarning paydo bo‘lishiga sabab bo‘ldi. Momaqaldiroq ular boshpanadan uzoqda bo‘lganida, kutilmagan paytda yuz berdi.