Finlyandiya Xelsinkida yangi AQSh prezidentining Vladimir Putin bilan uchrashuvini o‘tkazish g‘oyasini ilgari surmoqda. Bu haqda mamlakat prezidenti Sauli Niinistyo ma’lum qildi, deb xabar beradi “Interfaks”.
Davlat rahbari Rossiya va AQShga tashriflari chog‘ida shunday tashabbus bilan chiqqan. Uning aytishicha, bunday uchrashuv Finlyandiyaning 2017-yildan boshlanadigan Arktika kengashiga ikki yillik raisligi doirasida bo‘lib o‘tishi ko‘zda tutilgan. Unda Arktikani muhofaza qilish va harbiy harakatlardan xoli hududga aylantirish masalalari ko‘rib chiqilishi mumkin.
Ma’lumot uchun, 1991-yili Xelsinki tashabbusi bilan tuzilgan Arktika kengashiga Daniya, Kanada, Finlyandiya, Islandiya, Norvegiya, Rossiya, Shvetsiya va AQSh kiradi.
Izoh (0)