“Universiada—2016” musobaqasining yopilish marosimi bo‘lib o‘tdi

“Universiada—2016” respublika sport o‘yinlarining tantanali yopilish marosimi bo‘lib o‘tdi, deb xabar berdi O‘zA. Tadbir sport o‘yinlari g‘oliblarini taqdirlash marosimi bilan boshlangan.

• Islom Karimov “Universiada – 2016” ishtirokchilariga zafarlar tilab qoldi

O‘zbekiston Respublikasi Bosh Vaziri Shavkat Mirziyoyev ishtirok etgan tadbirda g‘olib va sovrindorlarga yuksak hamda maxsus sovg‘alar topshirildi. Jumladan, musobaqada eng ko‘p medal jamg‘arib, birinchi o‘rinni egallagan Toshkent shahri jamoasi yuksak mukofot — O‘zbekiston Respublikasi Prezidenti Islom Karimovning “Universiada—2016” sport o‘yinlari ishtirokchilariga tabrigining asl nusxasi va Prezident sovg‘asi — “Damas” avtomobili bilan taqdirlandi. Umumjamoa hisobida ikkinchi o‘rinni qo‘lga kiritgan Farg‘ona viloyati jamoasi va kuchli uchlikdan joy olgan Samarqand viloyati jamoasi ham “Damas” avtomashinalari bilan taqdirlandi.

Qayd etish kerak, “Universiada—2016” sport musobaqalarida ishtirokchilar 15 tur — basketbol, boks, voleybol, gandbol, dzyudo, yengil atletika, og‘ir atletika, stol tennisi, suzish, taekvando, tennis, futbol, shaxmat, erkin va yunon-rum kurashi bo‘yish o‘z omadini sinab ko‘rdi.

• Farg‘onada “Universiada – 2016” sport o‘yinlarining tantanali ochilish marosimi bo‘lib o‘tdi (foto)

Yettinchi bor o‘tkazilgan universiada musobaqasi stadion uzra yangragan musiqa sadolari, keyin esa turnir bayrog‘ining tushirilishi bilan yakun topdi. Farg‘onalik yoshlar bayroqni musobaqaning bo‘lg‘usi mezboni bo‘lmish Samarqand viloyati sportchilariga topshirdi.