Barak Obama ma’muriyati AQSh qurolli kuchlari yaqin yillarda butun dunyo bo‘ylab duch keladigan asosiy muammo Rossiya va Xitoyning tajovuzkorona tashqi siyosati bo‘ladi deb hisoblamoqda. Bu haqda AQSh mudofaa vaziri Eshton Karter Annapolisdagi harbiy-dengiz akademiyasi bitiruvchilari oldidagi chiqishi chog‘ida ma’lum qildi, deya xabar beradi “TASS”.
“Istiqbolda Rossiyaning tajovuz va majburlash siyosati bilan to‘qnash kelamiz. Xitoy tiklanmoqda, bu yaxshi, biroq o‘zini tajovuzkorona tutmoqda, bu esa yomon”, — deya ta’kidlagan Karter.
Pentagon rahbari Amerika xavfsizligiga tahdid qiluvchi asosiy kuch sifatida “Iroq va Suriyada paydo bo‘lgan hamda butun dunyoda tomir otib borayotgan” IShIDni ham sanab o‘tgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)