27-may, juma kuni portugaliyalik mutaxassis Joze Mourinyo Angliyaning “Manchester Yunayted” futbol klubiga bosh murabbiy etib tayinlandi. 53 yoshli murabbiy va klub o‘rtasidagi kelishuvning ba’zi shartlari e’lon qilindi, deb xabar bermoqda “Chempionat”.
Mourinyoning 3 yilga mo‘ljallangan va bir yilga uzaytirish imkoniyatiga ega shartnomasining bandlaridan birida qayd etilishicha, “Manchester Yunayted” Yevropa Chempionlar Ligasi turnirida g‘alaba qozonsa, u 20 million yevroni mukofot puli sifatida oladi. Uning yillik maoshi esa 13 million yevro bo‘ladi.
Ma’lumot uchun, Joze Mourinyo faoliyati davomida “Portu”, “Chelsi”, “Real” va “Inter” klublarini boshqargan. Portugaliyalik murabbiy “Portu” va “Inter” bilan Yevropa Chempionlar Ligasi g‘olibi bo‘lgan.
Izoh (0)