Suriyada harakat qilayotgan 60 qurolli guruh to‘qnashuvlarni to‘xtatish va tinchlik o‘rnatish shartlarini bajarishda ishtirok etish niyatini bildirdi. Bu haqda, Rossiya qurolli kuchlari bosh shtabi tezkor bosh boshqarmasi boshlig‘i general-leytenant Sergey Rudskoyning so‘zlariga tayanib, “RIA Novosti” xabar bermoqda.
“Rossiya dushman tomonlarni yarashtirish markazi xodimlarining mahalliy ma’muriyatlar va qurolli guruhlar komandirlari bilan muzokaralari to‘xtovsiz olib borilmoqda”, — deb ta’kidladi Rudskoy.
Uning qo‘shimcha qilishicha, Rossiyaning AQSh bilan birgalikda terrorchi guruhlarga zarbalar berishi mumkinligi haqidagi xabar tarqalganidan so‘ng 17 qurolli guruh markazga murojaat qilib, sulhda ishtirok etish niyatini bildirdi.