Rossiyada milliy kriptovalyutani joriy etish rejalashtirilmoqda. Bu haqda, “Kommersant” nashri ma’lumotiga tayanib, Meduza xabar beradi.
“Rosfinmonitoring” direktori o‘rinbosari Pavel Livadniy hozircha qonun loyihasining yo‘qligi, biroq Moliya vazirligi va Markaziy bankning uchrashuvlarida banklar vakillari bilan kriptovalyutani joriy etish g‘oyasi muhokama etilayotganligini ma’lum qildi.
Rossiya kriptovalyutasi emissiyadan xoli bo‘lmasligi hamda uning huquq va majburiyatlarga ega emitenti bo‘lishi taxmin qilinmoqda. Gap kriptovalyutalar emissiyasi ishonib topshiriladigan moliyaviy tashkilotlar haqida bormoqda.
Kompaniya va fuqarolar rubl yoki boshqa valyutani maxsus elektron maydonchalarda o‘rnatilgan qoidalar bo‘yicha kriptovalyutaga almashtirishi mumkin bo‘ladi. Anonim o‘tkazmalarni minimum darajaga kamaytirish uchun kriptovalyutaga egalik qilayotgan kishilarning shaxsi identifikatsiyalanadi.
Izoh (0)