Anjelina Joli London iqtisod maktabida “taklif etilgan o‘qituvchi” lavozimiga ega bo‘ldi

Gollivud aktrisasi Anjelina Joli London iqtisod maktabida “taklif etilgan o‘qituvchi” lavozimiga ega bo‘ldi. Bu haqda “Interfaks” xabar bermoqda.

Aktrisa “Ayollar, tinchlik va xavfsizlik” magistrlik dasturi doirasida ma’ruzalar turkumi o‘qishi uchun taklif etildi. Bundan tashqari, dasturda huquq himoyachisi Jeyn Konnors (Amnesty International), Buyuk Britaniya sobiq tashqi ishlar vaziri Uilyam Xag, “Ayollar tinchlik va ozodlik uchun” xalqaro ligasi bosh kotibi Medelin Ris ham ishtirok etadi.

Joli o‘qituvchilikka BMT qochoqlar ishi bo‘yicha oliy komissari boshqarmasi yaxshi niyat elchisi sifatida taklif etilgan. Maktab vakillarining bildirishicha, o‘qituvchilar yangi ayollar, tinchlik va xavfsizlik muammolari markazi faoliyatiga jalb etiladi. Bu yerda talabalarga “Gender va harbiylashuv” yoki “Gender hamda inson huquqlari” kurslari o‘tilishi mo‘ljallanmoqda.