Shimoliy Koreya yetakchisi Kim Chen In chekishni tashladi. Bu haqda mahalliy OAVlarga tayanib, Daily Mail ma’lum qildi, deya xabar beradi “Gazeta.ru”.
33 yoshli Kim Chen In ashaddiy kashanda sifatida tanilgan, uning qo‘lida sigareta tutib turgan ko‘plab suratlari shundan dalolat beradi. Biroq shu yil mart oyida Shimoliy Koreya yetakchisi zararli odatni tashlash va shu tariqa chekishga qarshi kurash milliy kampaniyasini boshlab berishga qaror qildi.
Jahon sog‘liqni saqlash tashkiloti ma’lumotlariga ko‘ra, KXDR erkaklarining yarmidan ortig‘i kashandalikka ruju qo‘ygan, bu esa Osiyodagi eng yomon ko‘rsatkichdir. Endi mamlakat rasmiylari mazkur muammo bilan jiddiy shug‘ullanish niyatida. Jumladan, chekishga qarshi kurash dasturi doirasida fuqarolarga nikotin saqichlari va dorilarini tarqatish mo‘ljallanmoqda.
Izoh (0)