Bugun,

  • USD 11095.31
  • RUB 173.84
  • EUR 10772.44

Rossiya Tashqi ishlar vazirligi rasmiy vakili Mariya Zaxarova Euronews telekanalidan Qrim tatarlarining deportatsiya qilinishi haqidagi materiallar uchun uzr so‘ralishini talab qildi. Bu haqda Meduza xabar bermoqda

Foto: Rossiya TIV

Foto: Rossiya TIV

Zaxarova Facebook’dagi sahifasida bildirishicha, telekanal saytining ingliz tilidagi ko‘rinishida Qrim tatarlari haqidagi materialda “1944-yilda ikki milliondan ziyod erkak, ayol va bolalar Stalin tomonidan ommaviy deportatsiya etilgani” haqida ma’lum qilinadi. Telekanalning rus tilidagi saytida esa ushbu material “1944-yilning 18-mayidan 20-mayigacha 200 mingdan ortiq tatar badarg‘a qilingan” tarzida berilgan. 

“Bu adashuv, yanglishib qo‘shib yuborilgan ortiqcha nollar bo‘lishi mumkin emas, chunki ingliz tilidagi matnda ikki million so‘z bilan yozilgan. Shuningdek, u yerda ‘okkupatsiya qilingan Qrimda’, jumladan, Bog‘chasaroyda deportatsiya sanasiga bag‘ishlangan xotira tadbirlari o‘tkazilishi man etilgani yozilgan”, — deya ta’kidlagan Zaxarova. 

Ma’lumot uchun, sobiq Ittifoqda rasman tasdiqlangan manbalarga ko‘ra, 1944-yili Qrimdan 200 mingga yaqin tatarlar deportatsiya qilingan. 1989-yili sobiq Ittifoq Oliy kengashi bu jarayonga “jinoyatkorona va noqonuniy” deb baho bergan, Ukraina Oliy radasi esa 2015-yil noyabrida deportatsiyani genotsidga tenglashtirgandi. 

Izoh
Asosiy yangiliklar
Dunyo
“Telegram’da kriptovalyuta savdosi va ularni saqlash vositalari bo‘ladi” — Durov
Mahalliy
O‘zbekistonda so‘nggi sutkada 154 kishida koronavirus qayd etildi
Sport
JCH—2022 da nimchorak finalning to‘rtta juftligi aniqlandi