Rossiyaning Chelyabinsk viloyati Kishtim shahrida birinchi sinf o‘quvchisi ko‘chadagi o‘rtoqlariga 200 ming rubldan ortiq pulni tarqatib chiqdi, deb yozadi Meduza. Pulning bir qismi haligacha topilmadi.
Bolakay javondan kiyimini qidirayotgan vaqtda, u yerdan onasiga avtomobilni sotishdan tushgan 400 ming rubl pulni topib oldi. O‘quvchi ming rublni olib, do‘sti bilan do‘konga borib, krabli tayoqchalar sotib oldi. Qolgan pulni esa ko‘chadagi o‘rtoqlariga berib chiqdi va unda hali ko‘p pul borligini aytib maqtandi, lekin unga hech kim ishonmadi.
Shunda u uyiga borib, pulning hammasini oldi va ko‘chaga chiqib turgan barcha bolalarga tarqatdi. Bolaning do‘stlaridan biri uni kupyuralarda uning barmoq izlari qolishi haqida aytib qo‘rqitdi. Shunda u botqoqqa borib, qolgan pulning barchasini u yerga tashlab yubordi. U onasidan jami 229 ming rubl o‘g‘irladi.
O‘g‘li ko‘p pulni berib yuborganidan xabar topgach, ayol ularni qaytarib olishga urindi. Bir qismi botqoqlikdan topildi, yana bir qismini esa bolalardan yig‘ib olishdi. Ammo 110 ming rubl izsiz yo‘qoldi.
Izoh (0)