Geologlar Avstraliya g‘arbida taxminan 3,46 milliard yil avval qulashi 11 balli zilzila, bir necha yuz metr balandlikdagi sunami hamda keng miqyosli vayronaliklarga olib kelgan, diametri 30 kilometr bo‘lgan ulkan asteroid izlarini topdi. Bu haqda Precambrian Research jurnalida e’lon qilingan maqolada ma’lum qilindi, deb xabar beradi “RIA Novosti”.
“Mazkur qulash hozirgi silkinishlardan ancha qudratli bo‘lgan zilzilalar turkumi, qirg‘oq qoyalarini parcha-parcha qilgan shiddatli sunamilarni keltirib chiqargan. Qulashdan so‘ng ko‘kka otilgan jismlar butun Yer yuzi bo‘ylab tarqalgan bo‘lishi kerak”, — deb ta’kidladi Kanberradagi Avstraliya milliy universiteti tadqiqotchisi Endryu Glikson.
Taxminan 3,8—3,5 milliard yil avval Yer va Oy o‘sha paytda Quyosh tizimi ichki qismida joylashgan yirik asteroid va kometalarning mutttasil “bombardimoni”ga duch kelardi. Glikson va uning hamkasblari Yer tarixidagi eng yirik asteroid tushishiga da’vo qilishi mumkin bo‘lgan shunday qulashlardan biri izlarini topgan ko‘rinadi. Buning uchun 3,5—3,7 milliard yil avval, Yer sovub, unda okeanlar va ilk quruqlik qismlari paydo bo‘lgan qadim davrlarda paydo bo‘lgan cho‘kindi jismlar qatlamlarini o‘rganishga to‘g‘ri keldi.
Izoh (0)