Avstraliyaning SBS telekompaniyasi boshqaruvchi direktori Maykl Ibeyd Eurovision tanlovining Osiyoga talluqli qismini yaratish rejalarini ma’lum qildi. Bu haqda Sydney Morning Herald xabar bermoqda.
“Hindiston, Xitoy va Janubiy Koreya telekompaniyalari bilan muzokaralar olib boryapmiz. Tanlovga qiziqish juda katta va biz uning konsepsiyasini rivojlantirishga hissamizni qo‘shish niyatidamiz. Osiyoda ham aynan shunday shakl va ovoz berish tartibi bo‘ladi”, — deya ta’kidlagan Ibeyd. Uning aytishicha, Osiyo Eurovision’i g‘oliblari Yevropadagi finalda ishtirok etishi lozim.
Maykl Ibeyd Eurovision’ni 2013-yildan boshlab ko‘rsata boshlagan Xitoy va shou shu yil ilk bor namoyish etilgan AQShdan farqli ravishda, Avstraliyada tanlov 33 yildan beri olib berilishini bildirdi.
Eslatib o‘tamiz, joriy yildagi Eurovision tanlovida ukrainalik Jamala birinchi, avstraliyalik Demi Im ikkinchi, rossiyalik Sergey Lazarev esa uchinchi o‘rinlarni egalladi.
Izoh (0)