Amerikalik milliarder Uorren Baffet nazorati ostidagi Berkshire Hathaway xoldingi 2016-yil 31-mart holatiga ko‘ra Apple korporatsiyasining 9,81 million aksiyasiga egalik qilmoqda. Bu haqda, xolding materiallariga asoslanib, “RBK” xabar bermoqda.
Birinchi chorak nihoyasida paketning qiymati 1,07 milliard dollarga baholangan edi. Ammo undan buyon aksiyalar narxi bir qadar tushdi. 12-may kuni jahon birja bozorlarining ochilishida Apple dunyodagi eng qimmatbaho kompaniya maqomini Google’ga egalik qiluvchi Alphabet Inc. kompaniyasiga boy berdi.
2012-yili Berkshire Hathaway aksiyadorlari yig‘ilishida Baffet Apple va Google’ga investitsiya kiritish niyati yo‘qligini bildirgan edi.
Izoh (0)