Checheniston Oliy sudi raisi Magomed Karatayev respublika rahbari vazifasini bajaruvchi Ramzan Qodirov tanqididan so‘ng iste’fo berdi. Bu haqda “RBK” xabar bermoqda.
“Tuman sudyalari tomonidan yo‘l qo‘yilgan kamchiliklar aniq misollar yordamida keltirib o‘tildi. Bu qonunning qo‘pol ravishda buzilish holatlari va sudyalarning xatolari uchun javobgarlikni to‘liq zimmamga olaman. Checheniston yetakchisining rahbar sifatida mendan noroziligi asosli, uning iste’foga chiqish taklifini qabul qilaman va xalqdan kechirim so‘rayman”, — deya ta’kidlagan Karatayev.
Ramzan Qodirov 5-may kuni Instagram’dagi sahifasida respublika Oliy sudi raisi va yana uch sudyani iste’foga chiqishga chaqirilgan murojaatni joylashtirgandi. U jinoiy ishlarni ko‘rib chiqish muddatlari cho‘zilishi, hatto qidiruvda bo‘lgan jangarini “bedarak yo‘qolgan” deb e’lon qilinishi misollari keltirilgan Oliy sud a’zolari va tumanlarning federal sudyalari bilan yig‘ilishda shunday taklifni bildirgan.
Izoh (0)