Pekin Pentagonning Xitoy harbiy taraqqiyotiga bag‘ishlangan ma’ruzasini keskin qoraladi

Xitoy Xalq Respublikasi mudofaa vazirligi vakili Yan Yuyszyun Pentagon e’lon qilgan Xitoyning harbiy rivojlanishi haqidagi ma’ruza yuzasidan qat’iy qoniqmaslik va norozilik bildirdi, deya xabar bermoqda “TASS” “Sinxua” agentligiga tayanib.

Xitoy vakili so‘zlariga ko‘ra, AQSh harbiy muassasasi shu mavzudagi yillik ma’ruzasida “Xitoyning harbiy tahdidini va, go‘yoki, shaffoflikning yo‘qligini oshirib yozgan, Xitoyning mudofaa siyosatini buzib-yorib talqin qilgan hamda Xitoyning Janubiy Xitoy va Sharqiy Xitoy dengizlaridagi harakatlarini adolatsiz tarzda tasvirlagan”.

“Xitoy tomonidan olib borilayotgan milliy mudofaa siyosati o‘z mohiyatiga ko‘ra mudofaali hisoblanadi. Harbiy islohotlarni chuqurlashtirish va harbiy qurilish kabi harakatlar Xitoy suvereniteti va hududiy daxlsizligini saqlash, mamlakatning tinch rivojlanishini kafolatlashga qaratilgan”, — dedi Yan Yuyszyun.

“Kemalar qatnovining erkinligi va tinchlikni saqlab turishga qaratilgan da’vatlariga qaramay, AQSh o‘z gegemoniyasini ko‘z-ko‘z qilish niyatida Janubiy Xitoy dengizining harbiylashuvini rag‘batlantirmoqda”, — dedi Xitoy harbiy muassasasi vakili.