Rossiya tarkibidagi Dog‘iston Respublikasining Derbent shahrida maxsus operatsiya yakunlandi, deya xabar bermoqda “Interfaks” mintaqa huquq-tartibot organlariga tayanib. Dastlabki ma’lumotlarga ko‘ra, to‘rt jangari yo‘q qilindi.
Voqea joyida yong‘in xizmatlari ishlamoqda, jangarilar yashiringan xonadon yonib ketgan. Xarobalar tartibga keltirilmoqda.
Jangarilar qo‘lga olgan Derbent jinoiy qidiruv bo‘limi boshlig‘i Musa Musayevning jasadi ham xonadon ichida qolgan.
Otishmalarda 14 nafar politsiya xodimi yaralangan.
Manba bergan ma’lumotlarga ko‘ra, huquq-tartibot xodimlari banditlar garovda tutib turgan politsiyachi halok bo‘lgani haqida xabar topishi bilan, ular bekingan xonadonga hujum uyushtirgan. Jinoyatchilardan biri politsiya xodimlariga qarata granata otgan va o‘t ochgan.
Izoh (0)