Rossiyalik bokschi Aleksandr Povetkinning amerikalik Deontey Uaylderga qarshi jangini tashkillashtirayotgan “Mir boksa” kompaniyasi rahbari Andrey Ryabinskiy rossiyalik sportchining doping-testidan qancha miqdorda meldoniy moddasi aniqlanganini aytdi. Bu haqda “Gazeta.ru” xabar bermoqda.
Kecha, 13-may kuni Ryabinskiy Povetkinning qonida oz miqdorda meldoniy aniqlanganini tan olgan edi.
“Agar sizga qiziq bo‘lsa, Sasha Povetkinning qonida 70 nanogramm meldoniy topildi. Aftidan, boksga siyosat aralashdi. Afsuski”, — deb yozdi Ryabinskiy Twitter’dagi sahifasida.
Ilgariroq WBC prezidenti Maurisio Suleyman Povetkinning Uaylder bilan jangi o‘tkazilish-o‘tkazilmasligi bir sutka ichida hal qilinishini bildirdi.
Izoh (0)