Qirg‘iziston Milliy xavfsizlik davlat qo‘mitasi xodimlari “Xalq parlamenti” jamoatchilik harakatining uch siyosatchisini hibsga oldi, deb yozadi “TASS”.
Ularga nisbatan respublika Jinoyat kodeksining “hukumatni kuch bilan egallashga tayyorgarlik ko‘rish” va “hukumat vakiliga nisbatan zo‘ravonlik qo‘llashga tayyorlanish” moddalari bo‘yicha ayblovlar e’lon qilingan.
Ular hamda ushbu birlashmaning boshqa a’zolari jinoiy til biriktirib, mamlakatda jamoatchilik-siyosiy vaziyatni beqarorlashtirishga qaratilgan aksiyalarni tashkil qilmoqchi bo‘lgan va keyinchalik hukumatni zo‘ravonlik bilan egallash bo‘yicha qonunga xilof harakatlarni rejalashtirgan.
O‘z maqsadlariga erishish uchun ular, shuningdek, davlat amaldorlariga nisbatan qurol qo‘llash orqali zo‘ravonlik ishlatish niyatida yurgan.
Qo‘mita qo‘zg‘atilgan jinoyat ishi doirasida tergov va tezkor-qidiruv tadbirlarini olib bormoqda.
Izoh (0)