Braziliya senati Dilma Russeffni lavozimidan chetlatganidan so‘ng prezident vazifasini bajaruvchi etib tayinlangan vitse-prezident Mishel Temer mamlakatdagi vazirliklar sonini 32 tadan 23 tagacha qisqartirish niyatida. Bu haqda “TASS” xabar bermoqda.
Globo nashri ma’lumotlariga ko‘ra, portlar va fuqarolik aviatsiyasi vazirligi transport vazirligi tarkibiga kiradi. Qishloq xo‘jaligi va ijtimoiy muammolar bilan shug‘ullanadigan muassasalar ham bitta vazirlikka birlashadi.
Braziliya OAVlari Temer hukumatida asosiy lavozimlarni egallaydigan siyosatchilar ro‘yxatini ham e’lon qildi. Unga ko‘ra, mamlakat markaziy bankining sobiq rahbari Enrike Meyrelles moliya vaziri etib tayinlanadi, sobiq prezidentlikka nomzod Joze Serra esa tashqi ishlar vazirligini boshqaradi.
Temer yangi hukumat tarkibini yaqin orada rasman e’lon qilishi kutilmoqda.
Izoh (0)