Futbol bo‘yicha O‘zbekiston milliy terma jamoasi Qirg‘izistonga qarshi o‘rtoqlik o‘yinida maydonga tushadi. Bellashuv 2-iyun kuni Toshkent shahrida bo‘lib o‘tadi, deb xabar berdi “Championat.asia”.
O‘zbekiston futbol federatsiyasi rasmiy sayti Qirg‘iziston bilan o‘yin o‘tishini rasman tasdiqlaganicha yo‘q. “Championat.asia”ning yozishicha, Qirg‘iziston 2-iyun kuni Livan bilan o‘rtoqlik o‘yinida ishtirok etishi kerak edi. Biroq Livan tomoni kelishuvni bekor qilishni ma’qul ko‘rgan.
Ma’lumot uchun, Qirg‘iziston terma jamoasi FIFA reytingida 100-o‘rindan joy olgan. O‘zbekiston terma jamoasi Qirg‘izistonga qarshi jami 6 ta o‘yinda ishtirok etgan bo‘lib, ularning barchasida yirik hisobda zafar quchgan. Raqibi darvozasiga 25 ta gol urib, 2 ta to‘p o‘tkazib yuborgan.
May oyining so‘nggi uch kuni va iyunning dastlabki sakkiz kuni FIFA uchun ajratilgan bo‘lib, unda bir qator xalqaro o‘rtoqlik o‘yinlari bo‘lib o‘tadi. Jumladan, JCh—2018 3-saralash bosqichida O‘zbekiston bilan bir guruhdan joy olgan termalar ham o‘rtoqlik o‘yinlarida ishtirok etadi.29-mayAlbaniya — Qatar31-mayVyetnam — Suriya
1-iyunIspaniya — Janubiy Koreya
2-iyunMakedoniya — EronO‘zbekiston — Qirg‘iziston
3-iyunTailand — SuriyaXitoy — Trinidad va Tobago
5-iyunChexiya — Janubiy Koreya
7-iyunKanada — O‘zbekistonXitoy — Qozog‘iston
Izoh (0)