Ruandada o‘tgan dam olish kunlari shiddatli yomg‘irlar keltirib chiqargan ko‘chki qurbonlari soni salkam 50 kishiga yetdi, yuzlab binolar vayronaga aylandi. Bu haqda “TASS” xabar bermoqda.
Oldinroq tabiiy ofat tufayli 20 kishi o‘lgani bildirilgandi.
“8-may, yakshanbaga o‘tar kechasi kuchli yomg‘irlar Ruandaning turli qismlarida ko‘chkilarga sabab bo‘ldi. Buning oqibatida 49 kishi halok bo‘lgani qayd etildi”, — deyiladi mamlakat hukumati bayonotida.
500 dan ortiq bino to‘liq buzilgan, aksariyat yo‘llar foydalanib bo‘lmaydigan holatga kelgan. Tabiiy ofatdan eng ko‘p Gakenke tumani aziyat chekdi, bu yerda 34 kishi nobud bo‘lgan.
Izoh (0)