Kuba poytaxti Gavana shahrida joylashgan Coliseo Ciudad Deportiva sport majmuasida 5-may, payshanba kuni (Toshkent vaqti bilan 6-may tongida) Butunjahon boks seriyasi (WSB)ning VI mavsum yarim finalida O‘zbekistonning Uzbek Tigers bokschilari Kubaning Cuba Domadores jamoasiga qarshi birinchi jangini o‘tkazdi.
Butunjahon boks seriyasi rasmiy saytining ma’lum qilishicha, Uzbek Tigers jamoasi dastlabki kunda bo‘lib o‘tgan barcha janglarda kubalik raqiblariga imkoniyatni boy berdi.
Cuba Domadores — Uzbek Tigers 5:0
-49 kilogramm: Joxanis Argilagos – Nodirjon Mirzahmedov 3:0 (50:43, 50:44, 50:44)-56 kilogramm: Robeysi Ramirez – Murodjon Ahmadaliyev 3:0 (49:46, 49:46, 48:47)
-64 kilogramm: Luis Oliva Gener – Fazliddin G‘oibnazarov 3:0 (49:46, 49:46, 49:46)
-75 kilogramm: Arlen Lopes – Ulug‘bek Haqberdiyev (kubalik boskchi 1-raundda texnik nokaut bilan zafar quchdi)
-91 kilogramm: Erislandi Savon – Mirzabek Hasanov 3:0 (50:44, 50:43, 50:43)
Bugun, 6-may kuni Cuba Domadores va Uzbek Tigers jamoalari o‘rtasida ikkinchi yarim final bellashuvlari bo‘lib o‘tadi. Unda quyidagi bokschilar o‘zaro jang o‘tkazadi.
-52 kilogramm: Yosbani Veytia – Abrorjon Qodirov
-60 kilogramm: Lazaro Estrada Alvares – Elnur Abduraimov
-69 kilogramm: Roniel Eglesias – Mahmud G‘oipov
-81 kilogramm: Julio La Kruz – Shuhrat Abdullayev
+91 kilogramm: Leniyer Pero Jastiz – Mirzohidjon Abdullayev
“Olamsport”ning ma’lum qilishicha, ikki kunlik janglar natijasiga ko‘ra hisob teng bo‘lib qolsa, unda g‘olib jamoani aniqlash uchun qo‘shimcha jang o‘tkaziladi. Unda -60 kilogramm vazn toifasida Ulug‘bek Do‘smurodov kubalik Armando Martinez Rabiga qarshi ringga ko‘tariladi.
Ma’lumot o‘rnida, Butunjahon boks seriyasining ikkinchi yarim finalida Qozog‘istonning Astana Arlans jamoasi Buyuk Britaniyaning British Lionhearts bokschilariga qarshi bahs yuritadi.
Izoh (0)