Turkiya bosh vaziri Ahmed Davuto‘g‘li vazirlar mahkamasi rahbari lavozimidan ajralishi mumkin, deya xabar bermoqda “Vedomosti”.
Reuters’ning manbalariga ko‘ra, hukmron Adolat va taraqqiyot partiyasining 21-mayga belgilangan navbatdan tashqari syezdi yakunlari bo‘yicha shunday qarorga kelinishi mumkin.
Ushbu axborotni Bloomberg manbalari ham tasdiqladi, ular Turkiyada 15 kun ichida bosh vazir almashishi mumkinligini ta’kidladi. Bu haqdagi kelishuvga, go‘yoki, 4-mayga o‘tar kechasi Erdo‘g‘on va Davuto‘g‘li o‘rtasidagi uchrashuvda erishilgan.
Erdo‘g‘on va Davuto‘g‘li Yevroittifoq bilan migratsiya inqirozi bo‘yicha bitim tuzilayotgan vaqtda kelishmay qoldi. Uning ketishi bitim amalga oshishini gumon ostida qoldiradi.