Urugvay parlamenti senatorlar palatasi a’zolari Urugvay fuqarolarining “Panama hujjatlari”da tilga olingan kompaniyalar bilan aloqalari haqidagi ma’lumotlarni o‘rganish uchun komissiya tuzishni ma’qulladi, deya xabar bermoqda “TASS”.
Komissiya tarkibiga yetti kishi kiradi, ularning maqsadi “moliyaviy firibgarlik, o‘g‘irlik, soliqlardan bosh tortish, pul yuvish oldini olish, shuningdek, shaffoflikni ta’minlash”dan iborat bo‘ladi. U nafaqat Panamada, balki boshqa ofshorlarda ham ro‘yxatga olingan kompaniyalar haqidagi ma’lumotlarni tekshiradi.
“Panama hujjatlari” bilan tanishib chiqqan Urugvay OAVlari ma’lumotlariga ko‘ra, 1977—2015-yillarda urugvaylik fuqarolar ofshorlarda 5 mingdan ortiq kompaniyalarni ro‘yxatdan o‘tkazgan.