Dasturchi Nik Li Apple Watch aqlli soatida Windows 95 operatsion tizimini ishga tushirishga muvaffaq bo‘ldi. Muallif loyiha haqida Medium’dagi blogida batafsil yozgan, dasturiy ta’minotning asos kodi GitHub’da chop etilgan, deya xabar bermoqda N+1.
Soat kutish rejimiga tushib qolmasligi uchun, muallif Digital Crown aylanasiga issiq yelim yordamida elektromotor yopishtirib qo‘ygan. Operatsion tizimning yuklanishi uchun bir soatcha vaqt kerak bo‘ladi, kursorni harakatlantirish uchun tachskrindan foydalanish kerak.
Dasturchining so‘zlariga ko‘ra, Apple Watch’ning texnik xususiyatlari 1990-yillarning o‘rtalaridagi shaxsiy kompyuterlarning xarakteristikalaridan ancha yaxshi, shu sababli ham takt chastotasi 520 megagers bo‘lgan protsessor, 512 megabayt operativ xotira va sakkiz gigabayt doimiy xotira Windows 95’ni o‘rnatish uchun keragidan ortiq yetarli.
Bu aqlli soatda eski dasturiy ta’minotni ishga tushirish bilan bog‘liq birinchi loyiha emas. Avvalroq Nik Lining o‘zi Apple Watch’da Mac OS 7.5.5 operatsion tizimini ishga tushirgan edi. Eski dasturlarni ishga tushirishda Android Wear aqlli soatlaridan ham foydalanadi, ularda, xususan, Counter-Strike 1.6 va Half-Life’ning birinchi qismi ishga tushirilgan.
Izoh (0)