Google kompaniyasi ko‘z gavhari o‘rnini bosuvchi elektron linzalar uchun patent oldi, deya xabar bermoqda “Hi-tech.mail.ru”. Ular inyeksiya yo‘li bilan kiritiladi.
Ishlab chiquvchilar ta’kidlashicha, elektron linza qandaydir sabablarga ko‘ra o‘z funksiyalarini to‘liq bajara olmay qolgan tabiiy ko‘z gavhari o‘rnini bosadi. Ammo avvalroq Google qoplama linzalarni (ular oddiy kontakt linzalar kabi ko‘z soqqasi ustiga kiydiriladi) patentlagan bo‘lsa, endi kiritishning inyeksion usuli taklif etilmoqda.
Innovatsion linzani o‘rnatish uchun tabiiy ko‘z gavharini olib tashlash kerak. So‘ng uning kapsulasiga suyuq polimer kiritiladi, uning ichiga esa elektronika joylashtiriladi. Keyinchalik gavharcha qotadi.
Konstruksiya boshqariluvchi egrilikka ega linzadan tashqari, ma’lumotlar omborxonasi, datchiklar va radioto‘lqinlar qabul qilgichni o‘z ichiga oladi.
Elektron linzalar antenna yordamida simsiz tarzda quvvat oladi. Linzalarga tashqi qurilmadan zarur chastotada radiosignallar yo‘naltirish orqali, ularni dasturlashtirish mumkin.
Izoh (0)