Andijon mashinasozlik instituti talabalari “Qaldirg‘och” deb nomlangan elektromobil tayyorladi. Elektr quvvatida harakatlanuvchi ulovning surati Facebook’dagi “Voditeli Tashkenta” guruhida e’lon qilingan.
Foydalanuvchilar mazkur elektromobilga turlicha munosabat bildirgan. Ba’zilar: “Biznikilar velosipedni qaytadan ixtiro qilishni yaxshi ko‘radi”, — desa, boshqalar, tanqidiy fikrlarga javoban: “Biznikilar faqat tanqid qilishni yoqtiradi”, — qabilida fikrlar bildirgan.
Aksariyat foydalanuvchilar talabalarning mazkur ishlanmasini olqishlagan, bu yo‘nalishdagi ishlarni davom ettirish, ilg‘or va tashabbuskor talabalarni esa rag‘batlantirish zarurligi haqida fikrlar bildirilgan.
Izoh (0)