“Barselona” bosh murabbiyi Luis Enrike “Betis”ga qarshi (2:0) Ispaniya chempionati 36-turida o‘z shogirdlarini jiddiy tanqid ostiga oldi, deb xabar beradi “Chempionat”.
Uchrashuvning birinchi bo‘limidan so‘ng hisob 0:0 ko‘rinishda edi. Tanaffus vaqtida Luis Enrike “Barselona” futbolchilariga quyidagi so‘zlar bilan murojaat qildi: “Primerada g‘olib bo‘lishni xohlaysizlarmi? Ha yoki yo‘q? Menimcha, yo‘q. Sizlarda jamoaviy tezlik yo‘q, xatti-harakatlaringizda shiddat va umuman hech narsa yo‘q. Menda biz hech narsa uchun kurashmayotgandek taassurot uyg‘onyapti. Yo sizlar oldinga qadam tashlaysiz, yoki biz chempionlik bilan xayrlashamiz. Bu masalani hal qilishingiz kerak”.
Ispaniya chempionati yakunlanishiga 2 tur qolganida “Barselona” 85 ochko bilan turnir jadvali peshqadami bo‘lib turibdi. Ikkinchi o‘rinda borayotgan “Atletiko”da ham 85 ochko, uchinchi pog‘onani band qilib turgan “Real”da 84 ochko mavjud.
Izoh (0)