“Layfxaker” nashri o‘tgan oyda diqqatga sazovor bo‘lgan qiziqarli va foydali dasturlar ro‘yxatini e’lon qildi. Ular orasida butunlay yangi bo‘lgan dasturlar ham, shuningdek, tubdan yangilanganlari ham bor.
Inbox — yangi avloddagi elektron pochta kliyenti bo‘lib, u xatlarni mustaqil ravishda guruhlash, maktublardan eng muhim axborotni ajratib olish va, hatto, sizning o‘rningizga javoblar yozish qobiliyatiga ega.
Ushbu dastur dastlab Android uchun dasturiy fayervol sifatida yaratilgan edi. Uning yordamida sizda o‘rnatilgan barcha dasturlar uchun ruxsatlar va tarmoqdagi xatti-harakat qoidalarini ikir-chikirigacha sozlab qo‘yish mumkin.
Quote — RSS formatida yangiliklar o‘qish uchun dastur. U Feedly va Inoreader servislari uchun mobil kliyentdir. U maqolalarning to‘liq matnini tortib olish, ularni reklamalardan tozalash va o‘qish uchun eng qulay ko‘rinishda aks ettirishga qodir.
Bu inglizcha so‘zlarni o‘rganish uchun dastur bo‘lib, unda 330 ta darsga bo‘lingan 8000 dan ortiq so‘z taklif qilinadi. O‘ziga xos mashqlar jarayonni oson va qiziqarli qiladi.
Dasturga aprelda bir yo‘la ikkita yangilanma kiritildi. Birinchisi eslatmalar bo‘lsa, ikkinchisi o‘z oldingizga maqsad qo‘yib, unga erishish uchun vaqt topishda yordam beradi.
Android uchun mo‘ljallangan klaviaturada turli tillar qo‘llab-quvvatlanadi, yorug‘lik kam bo‘lgan sharoitda tungi rejimga avtomatik tarzda o‘tiladi va boshqa bir qancha original funksiyalardan foydalanish mumkin bo‘ladi.
Android uchun yangi musiqiy pleyer orqali “VKontakte” musiqiy to‘plamiga bevosita kirish imkoniyati taqdim etiladi. U ushbu ijtimoiy tarmoqqa egalik qiluvchi Mail.Ru Group kompaniyasi tomonidan chiqarilgan.
Ushbu mobil dastur ingliz tilini boshidan o‘rganmoqchi yoki o‘z bilimlarini chuqurlashtirish istagida bo‘lgan kishilar uchun mo‘ljallangan. U butun ingliz tili kursini qamrab olish o‘rniga, ba’zi sohalargagina e’tibor qaratadi.
Veb-sahifalarni aks ettirishda yaxshi tezlik ko‘rsatishdan tashqari, ushbu brauzer Adobe Flash’ni to‘liq qo‘llab-quvvatlaydi, o‘z “bulut”ida fayllarni saqlaydi, video va o‘yinlar uchun alohida teatr rejimiga va boshqa qator qo‘shimcha funksiyalarga ega.
Bu dastur smartfon yoki planshet orqali Giphy sayti katalogidan har qanday GIF-rasmlarni bir lahzadayoq qidirib topish imkonini beradi. Shundan so‘ng, ularni o‘z qurilmangizda saqlash, ijtimoiy tarmoqlarda bo‘lishish yoki elektron pochta orqali yuborish mumkin.
Izoh (0)