Yaponiya raisligida bo‘lib o‘tadigan G7 sammiti arafasidagi vazirlar uchrashuvining navbatdagi bosqichi 1-may, yakshanba kuni mamlakatning Kyusyu orolida boshlandi. Buyuk Britaniya, Germaniya, Italiya, Kanada, AQSh, Fransiya va Yaponiya energetika vazirlari sohada xavfsizlik masalalarini muhokama qiladi, deb xabar beradi “TASS”.
Uchrashuv kun tartibidagi asosiy masala sifatida energiya resurslari, birinchi galda neft narxining keskin tushib ketishi, shuningdek, iqtisodiy o‘sish sur’atlarining pasayishi muhokama etilishi kutilmoqda.
Ikki kunlik maslahatlashuvlar yakuni bo‘yicha vazirlarning qo‘shma bayonoti imzolanadi. Kyusyudagi muzokaralar natijalari may oyining oxirida o‘tkaziladigan G7 cammitida energetika muammolari qay tarzda ko‘rib chiqilishini belgilab beradi.
Izoh (0)