Butunjahon boks seriyasi (WSB)ning VI mavsum chorak finalida turnir debyutanti, O‘zbekistonning Uzbek Tigers bokschilari Rossiyaning Russian Boxing Team jamoasiga qarshi jang o‘tkazib, ikki o‘yin natijasiga ko‘ra (6:4) yarim finalga chiqdi. O‘zbekistonlik bokschilar yarim finalda Kubaning Cuba Domadores jamoasi bilan kuch sinashadi, deb xabar bermoqda “Olamsport”.

Musobaqa tashkilotchilarining qaroriga ko‘ra, Uzbek Tigers va Cuba Domadores jamoalari o‘rtasidagi yarim final janglari 5–6-may kunlari, Kuba poytaxti Gavana shahrida joylashgan Coliseo Ciudad Deportiva arenasida bo‘lib o‘tadi.

Butunjahon boks seriyasi (WSB) VI mavsum ikkinchi yarim finalida turnirning amaldagi g‘olibi Qozog‘istonning Astana Arlans bokschilari Buyuk Britaniyaning British Lionhearts jamoasiga qarshi jang o‘tkazadi.