Tailandda qayd etilgan 40 darajali issiq havo 20 dan ortiq kishining o‘limiga sabab bo‘ldi, deya xabar bermoqda “TASS” yuqumli kasalliklar nazorati bo‘yicha departamentga tayanib.
Shifokorlar ma’lumotlariga ko‘ra, 1-martdan 17-aprelgacha bo‘lgan davrda qirollik hududida oftob urishi natijasida 29 yoshdan 72 yoshgacha bo‘lgan 21 kishi halok bo‘ldi.
Aprel Tailandda doim eng issiq oylardan biri bo‘lib kelgan, ammo bu yil u qirollik aholisi uchun favqulodda og‘ir kechmoqda: termometr ustuni bir necha haftalardan buyon har kuni Selsiy bo‘yicha 40 darajaga intilmoqda.
Tailand meteorologiya departamenti rahbari so‘zlariga ko‘ra, aprelda kuzatilgan eng yuqori harorat 44,3 darajaga teng bo‘lgan. Meteokuzatuvlar tarixida mamlakat hududidagi bundan yuqori bo‘lgan harorat 1960-yilda qayd etilgan, o‘shanda termometr ustuni 44,5 darajagacha ko‘tarilgan.
Sinoptiklar Tailanddagi havo mayning birinchi yarmida salqinlashishini prognoz qilmoqda.
Izoh (0)