Toshkentda Markaziy temiryo‘lchilar poliklinikasi oldidagi Mehrjon ko‘chasiga yotqizilgan tramvay relslari ko‘mib tashlandi. Bu haqda Facebook’dagi “Voditeli Tashkenta” guruhida fotoxabar qoldirilgan.
Mazkur tramvay yo‘li bo‘ylab avval 13-yo‘nalishdagi tramvaylar Qo‘yliq dahasi tomon qatnar edi.
Eslatib o‘tamiz, Toshkent hokimi Rahmonbek Usmonov 28-mart kuni bo‘lib o‘tgan matbuot anjumanida shahardagi barcha tramvay yo‘nalishlari 2016-yil davomida yopilishini, ba’zi ko‘chalarda tramvay yo‘llari olib tashlanishi, ba’zilarida esa relslar ustidan asfalt yotqizilishini ma’lum qilgan edi.
28-mart kuni shaharda olti yo‘nalishda tramvaylar qatnagan bo‘lsa, 29-aprel holatiga ko‘ra, faqat bitta — 17-yo‘nalishdagi tramvay Beshqayrag‘och dahasidan “Chilonzor” buyum bozoriga qadar qatnamoqda.
Izoh (0)